Іс-шаралар
21 мамыр күні «#Бізбіргеміз» акциясы аясында «Музей тарихы» тақырыбында музей ардагері Айша Әлішқызымен ашық сұхбат ұйымдастырылды. Сұхбат аясында музей құрылуы мен сол салада еңбек еткен жылдарынан естеліктермен бөлісті.
18 мамыр Халықаралық Музейлер және Мәдениет және өнер қызметкерлері күндеріне орай «Музейлер шеруі - 2020» - мерекелік акциясы аясында музейде онлаин-экскурсия және «Соғыс жаңғырығы» Ұлы Отан соғысына қатысты артефактардан көрме ұйымдастырылды. Музей қызметкерлері «Жеңіс әндері» шеруінен караокемен әндер шырқады.
9 мамыр Ұлы Жеңіс күні қарсаңында «Бір туынды тарихы», «Наша Победы», «Батыр атағына ұсынылған майдангерлер» айдарымен телеарналардан көрсетілді. Түсірілген хабар – сюжеттер жүктелініп Әлия музейінің инстапарқашаларына салынды.
9 мамыр күні Алматы облысы Есік тарихи-өлкетану музейімен «Әлияның ерлігі – елге мұра» онлайн-сұхбат ұйымдастырылды. Тікелей эфирде өткізілген онлайн – сұхбатқа музей директоры Е.Қалтаева қатысты. Эфир барысында Алматы облысының тұрғындары, Есік тарих-өлкетану музейі парақшасының оқырмандары сұрақтар қойып, пікір алысты.
8 мамыр күні Ақтөбе гуманитарлық колледжінің студенттерімен бірлесе «Ер елінің қорғаны» атты патриоттық бейне тарихи - танымдық сағат өткізілді. Гуманитарлық сағат аясында гуманитарлық колледжінің студенттері соғыс тақырыбына арнайы дайындаған тақырыптық көрністері мен өлең-жырларын арнады.
7 мамыр күні Н.Байғанин атындағы облыстық балалар кітапханасымен бірлесе «Ұрпаққа үлгі ұлы ерлік» тағзым сағаты, онлайн-сұхбат ұйымдастырылды. Онлайн - сұхбатқа музей қызметкері А.Тұралиева қатысып, Ақтөбе облысының соғыс жылдарындағы тұрмыс тіршілігі туралы тарихи деректер келтіріп және ақтөбелік батырлардың мерейтойларына қатысты шаралармен бөлісті.
Посмотреть на карте Актобе
© 2020-2023 "Кеңес Одағының Батыры Әлия Молдағұлованың Ақтөбе облыстық мемориалдық музейі" ММ. Барлық құқықтар қорғалған.