3 мамыр күні мемориалды музейінде 7 мамыр Отан қорғаушылар күніне және Ақтөбе қаласының 150 жыл мерейтойына арналған«Ақтөбе жері – батырлар елі» атты салтанатты мерекелік шара ұйымдастырылып өтті. Шара қатысушылары – Т.Бигельдинов атындағы Әуе Қорғаныс Күштерінің Жоғары институтының оқытушылары, командирлері мен курсанттары.
2019 жылдың 30 сәуір күні Кеңес Одағының Батыры Ә.Молдағұлованың мемориалды музейінің ұйымдастыруымен 1 мамыр Халықтар бірлігі күніне арналған «Қазақстан - бірлік пен татулықтың мекені » - салтанатты шара өткізілді.
Мақсаты: өскелен ұрпаққа бірлік, ынтымақтастық туралы түсініктерін кеңейтіп, көп ұлтты халқымыздың тыныштығы мен бірлігін нығайтуға ат салысатын азамат болуға тәрбиелеу; қазақстандық патриотизмге, елін, жерін сүюге және халқын құрметтеуге тәрбиелеу; басқа ұлт өкілдерінің мәдениетін, әдет-ғұрпын сыйлауға үйрету.
24 сәуірде «Мәңгілік от алау» Даңқ мемориалды алаңында Кеңес Одағының Батыры Ә.Молдағұлованың облыстық мемориалды музейіАқтөбе қаласының 150 жылдығы аясынла, Тверь облысы Оленино ауданы фашистік басқыншылардан азат етілгеніне75 жыл және Ұлы Жеңістің 74 жылдығына орай ұйымдастырылғанақтөбелік іздестірушілерді бүкілресейлік «Вахта памяти» акция- экспедициясына салтанатты шығарып салды. Шараның мақсаты: «Естелік Вахтасы» аясында Ұлы Отан соғысында қаза тапқан жауынгерлердің ерлігіне тағзым етіп еске алу, олардың мүрделерін тауып, арулап қайта жерлеу, музейге соғыс кезінде қолданылған заттарды, жеке заттары мен құжаттарын тапсыру. Ерлікпен қаза тапқан жауынгерлердің фамилияларын «Естелік» кітабына енгізу.
18 сәуір күні Кеңес Одағының Батыры Ә.Молдағұлованың облыстық мемориалды музейі Ұлы Жеңістің 74жылдығына орай «Ерлік- елге мұра » - әдеби- сазды кеші өткізілді.
Мақсаты: Жас ұрпақты, Отанын сүюге, оны қорғауға баулу. Отанға деген сүйіспеншілігін арттыру. Оларға патриоттық тәрбие беру. Ұлы Отан соғысымен , ерліктерімен таныстырып, ой-өрісін дамыту және адамгершілікке тәрбиелеу.
10 сәуір күні Кеңес Одағының Батыры Ә.Молдағұлованың облыстық мемориалды музейінде тілші, жазушы Әмір Оралбайдың 60 жылдығына арналған «Қарымды қаламгер» атты журналистіеске алу кеші өтті.
Мақсаты: Ә.Оралбайдың өмір жолын жас ұрпаққа өнеге ету, жазушының шығармашылығына терең үңіліп оқып-үйрену, шығармаларына деген қызығушылығын арттыру, жастарды тұлғаның биік адамгершілік парасаты үлгісінде тәрбиелеу.
2019 жылдың 15 наурызы күні Кеңес Одағының батыры Ә.Молдағұлованың облыстық мемориалды музейінде Ұлыстың ұлы күні Наурыз мейрамына орай «Ұлы даланың қол өнері!» атты ақтөбелік қолөнер шебері, тігінші Гүлзада Имангазиеваның жеке шығармашылық көрмесінің ашылуы өтті.
Мақсаты: өскелен ұрпаққа қазақ халқының ұлы мерекесі Наурыз мейрамы жөнінде түсінік бере отырып, халқымыздың салт – дәстүрін бойларына дарыту арқылы, жастарды шынайылыққа, адамгершілікке, ұлтжандылыққа тәрбиелеу, сонымен қатар шығармашылыққа, ұлттық қолөнерге баулу.
14 ақпанда «Құқық тәрбие-заман талабы» атты гуманитарлық колледж студенттерімен кездесу, сұрақ-жауап, әңгіме-сұхбат өтті. Шараның мақсаты: өскелен ұрпаққа патриоттық тәрбие беру, қоғамдық сақтауда үлгі көрсету және студенттерді теріс діни уағыздарға тойтарыс беруге шақыру. Шара барысында лекция оқылып және тақырып бойынша слайд көрсетілді.Студенттер өздерінің құқықтарын, заңдардан хабар болу керек, оны мұқият орындау керек екендыгы туралы ақпарат алды.
© 2020-2025 "Кеңес Одағының Батыры Әлия Молдағұлованың Ақтөбе облыстық мемориалдық музейі" ММ. Барлық құқықтар қорғалған.
