Бүгін Қазақстанның Халық қаһармандары Рақымжан Қошқарбаев пен Сағадат Нұрмағамбетовтың 100 жылдық мерейтойларына арналған «Батырлар ерлігі – ұрпаққа үлгі» атты республикалық тарихи-танымдық іс-шара аясында «Азаттықтың ақ таңы» мемориалдық кешеніне, Екі мәрте Кеңес Одағының Батыры, ұшқыш Бигелдинов Талғат Жақыпұлының ескерткіш-бюстіне, Кеңес Одағының Батыры Ә.Молдағұлованың мемориалды кешеніне, Сағадат Нұрмағамбетовтің мемориалды тақтасына гүл шоқтарын қою рәсімі өтті.
30 мамыр күні шығармашылық академиясында Рейхстагқа тұңғыш ту тіккен, Халық қаһарманы Рақымжан Қошқарбаев пен ҚР тұңғыш Қорғаныс министрі, армия генералы, Кеңес Одағының Батыры С.Нұрмағамбетовтың 100 жылдық мерейтойларына арнап “Батырлар ерлігі - ұрпаққа үлгі” атты республикалық тарихи - танымдық шара өтті.
Халық қаһармандары Р.Қошқарбаев пен С.Нұрмағанбетовтың 100 жылдығына арнайы келген меймандар Кеңес Одағының Батыры Ә.Молдағұлованың туған жері - Бұлақ ауылына, Әлия ауылындағы “Әлия” патриоттық тәрбие беру облыстық орталығына, халық батыры, тарихи тұлға Қобыланды ескерткіші мен мемориалды кешеніне сапар шекті.
1 маусым- Халықаралық балаларды қорғау күніне орай музейде «Музейдің кішкентай достары» атты мерекелік шара өтті.
Шара аясында балалар ән айтып,би билеп, видеослайд арқылы дайындалған интеллектуальды ойындарға қатысып, сұрақтарға белсенділікпен жауап берді.
Бүгін Қазақстан Республикасының Мемлекеттік Рәміздер күніне орай музей келушілеріне арнап тақырыптық экскурсия жүргілді. Жасұрпаққа Мемлекеттік Рәміздердегі символдардың тарихи мән-мағынасы кеңінен түсіндіріліп, танымдық сағат өткізілді
2024 жылғы 13 маусым күні №62, 72, 77 жалпы орта білім беретін мектеп жанындағы жазғы демалыс лагерінің оқушылары Кеңес Одағының Батыры Ә.Молдағұлованың музейінде болып, экспозиция залын тамашалады.
15 маусым - Кеңес Одағының Батыры Әлия Нұрмұхамбетқызы Молдағұлованың туған күніне орай «Батырлықтың қасиетті тұмары» атты салтанатты шара өтті.
© 2020-2025 "Кеңес Одағының Батыры Әлия Молдағұлованың Ақтөбе облыстық мемориалдық музейі" ММ. Барлық құқықтар қорғалған.
