2016 жылдың 23 қараша күні Әлия музейінде «Апаттан құтқару - азаматтық парыз» атты бейбіт заман батырларымен кездесу өткізілді. Мақсаты: жас ұрпақтың патриоттық сезімін ояту, шынайы патриоттың және қорғаушының бейнесін қалыптастыру, жастардың эмоциялық әлемін, адамгершілік әсерлермен байыту және моральдық дамуына, шығармашылық қабілеттеріне ықпал ету. Ел тарихы-жер тарихы екенін ұғындыру, қазіргі заманның батырлары деп айтуға тұратын кейіпкерлердің ерлік әрекетін жан-жақты баяндау.
2016 жылдың 20 қазаны күні Әлия Молдағұлова мемориалды музейінде «Отаныма оралу» атты шетелден қоныс аударған қандастармен кездесу кеші болып өтті.
Мақсаты: алыс – жақын шет елдерден елімізге қоныс аударған қандастарымыз туралы ақпарат беру арқылы,жастарды елжандылыққа, патриоттық сезімге баулу, өз еліне деген сүйіспеншіліктері мен құрметін арттыру.
1 қазанда музейде «Діни саутсыздық – экстримизмнің бастауы» - дін өкілдерінің жастармен кездесуі өтті. «Экстремизм мен терроризмге қарсы» насихаттау жұмыстарын жүргізу үшін біздің облысымызға арнайы делегация келді. Мемлекеттік саяси бағдарламасын жүзеге асыру барысында дін мәселелері бойынша оқушылардың біліктілігін жетілдіру тақырыбы бойынша жұмыс жүргізілді.Кездесуге Ақтөбе политехникалық, гуманитарлық, медициналық және С.Бәйішев атындағы колледж студенттері қатысты.
22 қыркүйекте Ж.Кереев көшесі, 312 атқыштар дивизиясы және 101 атқыштар бригадасының құрметіне қойылған «Зеңбірік » ескерткіші - обелиск алаңында Кеңес одағының Батыры Әлия Молдағұлованың мемориалды музейі және «Боевое Братства» қоғамдық қорымен бірге Қазақстан Республикасының Тәуелсіздігінің 25 жылдығына және 312 атқыштар дивизиясының құрылғанына 75 жылдығына арналған «Наша память» атты акциясын өткізді.
21 қыркүйекте Ә.Молдағұлова мемориалды кешенінде Орынбор, Атырау, Қызыл-Орда облыстары және Ақтөбе облысының аудандарынан келген қонақтардың қатысуымен «Мәңгілік ел – Болашағы Біртұтас Ұлт» атты аймақтық патриоттық форум өткізілді.
Қазақстан Республикасының Отбасы күніне орай 16 қыркүйек күні сағ.15-00 Кеңес Одағының Батыры Ә.Молдағұлованың мемориалды музейінде «Өнегелі өмір» атты мерекелік шара өткізілді. Осы шараның құрметті қонақтары Республикалық «Мерейлі отбасы-2016» ұлттық байқауының жеңімпаздары, үлгілі, өнегелі отбасылар Ақтөбелік Абдолла мен Әлила Нұсқабаевтар және балалары, немерелері мен шөберелері қатысты.
© 2020-2023 "Кеңес Одағының Батыры Әлия Молдағұлованың Ақтөбе облыстық мемориалдық музейі" ММ. Барлық құқықтар қорғалған.
