22 сәуірде «Память не знает границ» тақырыбында Москва қаласында тұратын жерлесіміз, Москва мемлекеттік және муниципалдық басқару институтының доценті Төлешов Асылбек Қуантайұлымен онлайн-сұхбат жүргізілді. Сұхбат аясында екі ел арасындағы байланыс және Батыр қызға қатысты өткізіліп жатқан шаралар туралы әңгіме өрбіді.
17 сәуір күні Профессор, медицина ғылымының докторы, ғылыми iзденістері әлемнiң көп елдерiнде ғалымдардың үлкен шынайы қызығушылығын тудырған, Ұлы Отан соғысының ардагері, Берлинге дейін жеткен қазақ қызы Халида Есенқұлқызы Маманова туралы-«Штрафбаттағы жалғыз қазақ қызы» тақырыбында онлайн-лекция өтті.
13 сәуір күні С.Жиенбаев атындғаы облыстық жасөспірімдер кітапханасымен бірлескен «Әлия ғұмыр: өнегелі ерлік» онлайн - сұхбат өтті.
8 сәуір күні музей қызметкері С.Тәжбенова тікелей эфирде «Женщины на страже Родины» тақырыбында онлайн-лекция өткізді. Ұлы Отан соғысы жылдарында барша халықпен қатар қазақ қыздары жеңіс жолына жан тігіп, бар күшімен күресе білді. Соғыстың алғашқы күнінен бастап, олар өз еріктермен майданға аттанды, олардың алды жиырмадан асса,көпшілігі 17-19 жаста ғана болатын. Солардың бірі қазақтан шыққан Кеңес Одағының Батыр қыздары Ә.Молдағұлова мен М.Мәметова, Хиуаз Доспановалардың жанқиярлық ерліктері туралы айтып берді.
8 наурыз күні №20 мектеп-лицейінде «Женщины на старже Родины» тақырыбында әскери мамандық кәсіптегі қыз-келіншектердің өмірі мен қызметінен сыр шертетін тақырыптық шара өтті.
4 наурыз күні С.Бәйішев атындағы облыстық ғылыми-әмбебап кітапханасында Өскемен қаласы О. Бөкей атындағы орталық кітапхана ұжымымен бірлесе онлаин-кездесу өтті. Онлайн – кездесу Ұлы Жеңістің 75 жылдығы және Ә.Молдағұлованың 95 жылдығына арналды. Онлаин шараға музей қызметкерлері, Әлияның туысы Ария Хабиева қатысты. Өскемендік әріптестер арнайы дайындаған концерттік бағдарламаларын орындап, екі жақты пікір алмасып, Батыр қызға қатысты сұрақтар қойып отырды.
2 наурыз күні Қазақстанның әр облысынан келген Ішкі істер департаментінің қызметкерлері музейде кездесу ұйымдастырып, музей залдары бойынша экскурсия жүргізілді.
© 2020-2023 "Кеңес Одағының Батыры Әлия Молдағұлованың Ақтөбе облыстық мемориалдық музейі" ММ. Барлық құқықтар қорғалған.
