9 мамыр күні Алматы облысы Есік тарихи-өлкетану музейімен «Әлияның ерлігі – елге мұра» онлайн-сұхбат ұйымдастырылды. Тікелей эфирде өткізілген онлайн – сұхбатқа музей директоры Е.Қалтаева қатысты. Эфир барысында Алматы облысының тұрғындары, Есік тарих-өлкетану музейі парақшасының оқырмандары сұрақтар қойып, пікір алысты.
Сонымен қатар Нұрсұлтан қаласы ҚР Ұлттық академиялық кітапханасы «JASTAR COWORKING» орталығының faceebook парақшасынан «Әлия туралы толғаныс» тақырыбына онлайн - сұхбат өтті. Онлайн - сұхбатқа музей директоры Е.Қалтаева қатысып, музей тарихымен және Әлия Молдағұлованың өмір мен ерлігіне қатысты деректер айтып, сұрақтарға жауап берді.
Ұлы Жеңістің 75 жылдығына орай қалалық кітапхана ұжымына және инстапарақша көрермендеріне музей залдары бойынша тікелей эфирде экскурсия өткізілді. Экскурсия 1 сағат көлемінде жүргізілді.
Әлия музейінде «Хабар» агенттігі және «Kazakh TV», «Ақтөбе», «Хабар-24 KZ»телеарналары Ұлы Жеңістің 75 жылдығына және Әлия Молдағұлованың 95 жылдығына және Ақтөбелік Ұлы Отан соғысының ардагерлеріне арнап түсірілім жұмыстарын жүргізген болатын. Музей қызметкерлері Ә.Молдағұлова, Х.Доспанова, Кеңес Одағы Батыры атағына ұсынылып, белгісіз себептермен берілмей қалған 9 - ақтөбелік ардагер-жауынгерлері туралы арнайы сұхбаттар берді.
