Кеңес Одағының Батыры Ә.Молдағұлованың облыстық мемориалды музейінде музейдің негізін салушылардың бірі, музей ардагері Өлеулина Айша Әлішқызының  70 жасқа толуына арналған «Биік парасат иесі» атты шара өтті.

Іс-шараның мақсаты: Әлия музейінің уығын шаншыған, мәдениет майданында өзіндік қолтаңбасын ерекше қалдыра білген жан Айша Әлішкызының еңбектегі дара жолын, талмас талабы мен ерең еңбегін, кәсіби біліктілік жолындағы ізденімпаз болмысын тану. Музей саласындағы еңбек жолын жас мамандарға насихаттау.  

Ақтөбе облысының мәдениет, архивтер және құжаттама басқармасының өнер және халық шармашылығының бөлімінің басшысы Н.Б.Демешова, А.Өтеулинаның жақын туыстары, «Қазақстандық салалық мәдениет, спорт, туризм және ақпарат қызметкерлерінің кәсіптік одағы» қоғамдық бірлестігінің Ақтөбе облыстық филиалының төрағасы Н.Табельдинова, мәдениет, музей және әскери саласындағы ардагерлері, мәдениет мекемелерінің басшылары мен ардагерлері, қоғамдық емес ұйым мүшелері сынды бірқатар жандар қатысты.

Айша Әлішқызының еңбек жолында қызметтес болған әріптестері, мәдениет саласының майталмандары жылы естеліктерімен бөлісіп, ерен еңбек жолындағы жеткен жетістіктері мен білікті тәжірибесі жас мамандарға үлгі-өнеге екенін сөзге тиек етті. Ғ.Жұбанов атындағы облыстық филармонияның қазақ камералық хорының әртісі Н.Қаражанов шара барысын әнмен  көркемдеді.