Бүгін Кеңес Одағының Батыры Ә.Молдағұлованың облыстық мемориалды музейінде музей қызметіне және экспозицияларға енгізілген заманауи цифрлық технологиялар бойынша жасақталған реэкспозицияның таныстыру рәсімі өтті.

Облыс әкімі Асхат Шахаров арнайы музейге келіп, реэкспозицияланған залдарды аралап шықты.

Өңір басшысы музейге келген оқушылармен де тілдесті. Жастарға патриоттық тәрбие беру, ел үшін жанын қиған батырлардың есімін дәріптеу, өте маңызды екенін жеткізді.

Ал, музейге келушілер музейден батыр қыздың өмірі мен ерлік жолын көрсететін ақпараттар мен экспонаттар, музей жабдықтары, тума-туыстары мен оқыған жерлері, мергендік мектебі мен майдандағы өмірін көрсететін, Әлия есімімен аталатын мекемелер мен мектептер, музейлер, қойылған ескерткіштер, жыр арнаған ақын-жазушылар мен зерттеушілер, т.б. тұлғалық музейді айқындай түсетін тарихи деректерге куә болады.

Айта берсек өте көп, ең бастысы осының көбі дерлік заманауи цифрлық технологиялармен жасақталып ұсынылған.

Музейге келем деушілер үшін есігіміз айқара ашық екенін тағы бір мәрте естеріңізге салып, жеткіземіз.