2025 жылғы 14 қаңтар күні Кеңес Одағының Батыры Әлия Молдағұлованың ерлікпен қаза тапқан күніне орай Ақтөбе қаласындағы Әлия Молдағұлова мен Ағайынды Жұбановтар көшесінің қиылысында орналасқан «Әлия» мемориалды кешенінде, Шернияз көшесі бойында орналасқан Кеңес Одағының Батыры Ә.Молдағұлованың ескерткішінде, Бөгенбай батыр көшесі, 44 мекенжайында орналасқан Әлия Молдағұлованың халықаралық әуежайында, сонымен қоса Қобда, Темір аудандарында еске алу шарасы мен батыр қыздың ескерткіштеріне тағзым етіп, гүл шоқтарын қою рәсімі өтті.
1944 жылы қаңтар айында 54 атқыштар бригадасы стратегиялық маңызы бар Новосокольники-Дно бағытын кесіп өтіп, Казачиха деревнясын жаудан азат етуге бұйрық алады. Мерген, ефрейтор – Әлия Нұрмұхамбетқызы Молдағұлова құрамында болған 4-ші батальон Насваның батыс жақ шетіне жылжиды. Шайқас барысында бөлімше командиріне оқ тиіп, саптан шығарады. Сасқалақтаған кеңес жауынгерлері кібіртіктеп, кейін шегіне бастайды. Осы сәтте, яғни 14 қаңтары күні Казачиха селосын жаудан азат ету үшін болған шайқаста қазақтың қайсар қызы Әлия Молдағұлова: «Бауырлар, Отан үшін алға!» – деп ұран тастап, батальон жауынгерлерін шабуылға көтеріп, жау оғынан ауыр жараланып, асқан ерлікпен қаза тапты. Денесі Монаково бауырластар зиратына жерленді.
Әлия Молдағұлованың Отанға деген қасиетті сезімін санасымен көркейтіп, небәрі 18 жас ғұмырында асқан ерлігіктің, көзсіз батырлықтың үлгісін көрсетіп, ең жоғарғы марапат Кеңес Одағының Батыры атағын иеленді. Ұрыс даласында өзінен бұрын есімі танылған аңыз арудың болмысын өскелең ұрпаққа насихаттап, патриоттық тәрбиенің негізін нығайту. Ел игілінің болашағы біздің тарихымызбен астасып, келешегімізді кемел етері сөзсіз.
Әлия Молдағұлова мен Ағайынды Жұбановтар көшесінің қиылысында орналасқан «Әлия» мемориалды кешенінде өткен еске алу шарасына облыстық, қалалық мәслихат депутаттары, еңбек ардагерлері, зиялы қауым өкілдері, облыстық қорғаныс істері жөніндегі департамент қызметкерлері, Т.Бигелдинов атындағы әуе қорғаныс күштерінің әскери институтының, ҚР Қорғаныс министрлігінің №30238 әскери бөлімінің, ҚР Ұлттық ұланның №6655 әскери бөлімінің, қызметкерлері, курсанттары, Әлия Молдағұлованың туыстары, «Әлия – Мәншүк – Хыйуаз» әскери – патриоттық қыздар клубының “Халықтық ұжым” “Әлия гүлі” қазақ би – ансамблінің мүшелері, Қ.Жұбанов атындағы АӨУ, М.Оспанов атындағы БҚМУ, С.Байшев университетінің профессор-оқытушылар құрамы, Қазақстан Халқы Ассамблеясы мүшелері, “Қоғамдық келісім” КММ қызметкерлері, Қазақстан Журналистер Одағының мүшелері, Ә.Молдағұлова халықаралық әуежайының қызметкерлері, білім басқармасы, кәсіптік техникалық білім беретін колледждің қызметкерлері, қаламыздағы телеарна қызметкерлері мен журналисттер, жастар ұйымдары мен еріктілер қатысты.
Облыс әкімі Асхат Шахаров пен Ә.Молдағұлованың туысқаны Сапар Молдағұлов сөз сөйлеп, Әлия Молдағұлованың ерлігін, патриоттық сезімін насихаттай отырып, биылғы жылы 100 жылдық мерейтойында атқарылған жұмыстар тізбегімен қолға алынған бірқатар ауқымды іс-шаралармен ел-жұртты таныстыра өтті.
Аталмыш шара барысы қалалық мәдениет үйінің әншісі Лаззат Медетованың орындауындағы Б.Тәжібаев пен С.Бәйтерековтің сөзіне жазылған «Әлия» әнімен нұрланды.