Бүгін Қазақстанның Халық қаһармандары Рақымжан Қошқарбаев пен Сағадат Нұрмағамбетовтың 100 жылдық мерейтойларына арналған «Батырлар ерлігі – ұрпаққа үлгі» атты республикалық тарихи-танымдық іс-шара аясында «Азаттықтың ақ таңы» мемориалдық кешеніне, Екі мәрте Кеңес Одағының Батыры, ұшқыш Бигелдинов Талғат Жақыпұлының ескерткіш-бюстіне, Кеңес Одағының Батыры Ә.Молдағұлованың мемориалды кешеніне, Сағадат Нұрмағамбетовтің мемориалды тақтасына гүл шоқтарын қою рәсімі өтті.

Шараның құрметті қонақтары: Р.Қошқарбаевтың немересі – Қошқарбаев Дәурен Жанатұлы, Р.Қошқарбаевтың тарихи тұлғасын тұңғыш зерттеген Кәкімжан Қазыбаевтың жұбайы – Орынша Жолмұратқызы Қарабалина, «Қазақ»  газетінің редакторы, С.Нұрмағамбетовтың тарихи тұлғасын зерттеуші – Қалдыбек Қамбаров, «Шалқар» радиосының бөлім редакторы, журналист – Гүлмира Нәлібай арнайы шақырылды.

Қазақтың даңқты жауынгерлері адамзаттың ортақ жеңісіне, жер бетінде әділдік пен бостандықтың салтанат құруына өлшеусіз үлес қосуы, жеңіске жол салған батырларымыздың ерлігі бүгінгі бақытты өмір сүріп жатқан әрбір жас ұрпақтың санасында әрдайым жаңғырып тұруы тиіс бағытында ойлы әңгімелер, ұсыныстар айтылды.

Шара көрермендері: әскери бөлімдердің курсанттары, жастар, тарих пәнінің ұстаздары.