Кеңес Одағының Батыры Әлия Молдағұлованың облыстық мемориалды музейі 18 мамыр – Халықаралық музейлер күніне арналған көптен күткен “Музей түні - 2024” іс-шарасының өткізілетіндігі туралы хабарлайды!

Музей түніне келушілер Ұлы Отан соғысы кезіндегі артефактілерден жасақталған көрмелермен, инсталляциялармен, М.Оспанов ат. Батыс Қазақстан медицина университеті және Ақтөбе облысының Төтенше жағдайлар департаменті музейлерінің жылжымалы көрмелерімен танысып, сондай-ақ 6655 әскери бөлімінің күнделікті қолданатын заттарын, ас-мәзірін тамашалай алады.

Сонымен қатар, тақырыптық фотоаймақтарда (фотозона) естелікке суретке түсіп, Қ.Жұбанов ат. университетінен арнайы келген дизайн факультетінің студенттері аса шеберлікпен қылқаламдары арқылы келушілерге қалаулары бойынша портреттерін қағаз бетіне түсіреді.

“Жауынгерлік бауырластық” қоғамдық қорының “Әлия” іздестірушілер тобы қызығы мен қиындығы қатар жүретін қазба барысындағы жұмыстың атмосферасына енуге, өзіңізді тарихтың толқынында жүргендей сезінуіңізге көмектеседі және патриоттық әндерді орындау соғыс жылдарына енуге мүмкіндік береді.

Құрметті достар! Іс-шараға әскери киіммен келген қонақтарға музей атынан тосын сый ұсынылады.