18 мамыр Халықаралық музейлер күні аясында КОБ Ә.Молдағұлованың облыстық мемориалды музейінде 15 мамыр күні музей қорын толықтыруға бағытталған “Жәдігер сыр шертеді” акциясының жылдық қорытынды шарасы өтті.
Акция барысында музей Әлия Молдағұлованың нағашы ағасы Бисембай Хабиевтің қызы Ария Бисембайқызы әкесінің медаль-ордендерін тапсырды. “Әлия” іздестіру тобының мүшелері соғыс алаңынан әкелінген қару-жарақтар мен тұрмыстық заттар, радиостанциялар мен түнгі көру құрылғыларын табыстаса, соғыс ардагерлері Мұса Алданиязов, Григорий Аухадиев, Сұлтан Жантекенов, Мұхамедияр Ысқақовтың ұрпақтары құжаттар мен фотоларды, медаль - ордендерді музейге сыйға берді. Музей қоры жыл ішінде 277 жәдігерге толықты.