Мемориалды музей актер, жазушы, Халықаралық журналистер федерациясының, Санкт-Петербург журналистер, РФ кинематографистер Одағының мүшесі, «Мы сыны казахских степей», «Из Санкт-Петербурга с любовью!»  т.б. кітаптардың авторы Шерхан Әбіловтің жеке кітапханасынан және Санкт-Петербург «Пискарев мемориалды зираты» ММ-нің директоры Евгений Панкевичтен Ұлы Отан соғысына қатысты құнды кітаптар мен әскери киімдер жиынтығын сыйға қабылдады.

Атап айтсақ, музей қоры қоршаудағы Ленинград пен батыр-қалалар туралы мәлімет беретін 12 томдық «Венок славы», Блокада, трагедия Ленинграда», «Люди города-герои» секілді 23 кітап пен 10 дана  Кеңес әскери киіммен толықтырылды.