Кеңес Одағының Батыры Ә.Молдағұлованың облыстық мемориалды музейінде 1 мамыр – Қазақстан халқының бірлігі күніне орай «Татулығы жарасқан, тағдыры бір халықпыз!» тақырыбында мерекелік шара өтті.

 Шара мақсаты республикадағы ұлтаралық келісімді, қоғамдағы тұрақтылықты сақтауға ықпал етіп, достықты, толеранттылықты және отбасылық құндылықтарды сақтау идеяларын қалыптастыру.

Шараға әр салада еңбек етіп жүрген өзге ұлт өкілдері арнайы қонақ ретінде шақырылып, өз ұлтының тарихы, мәдениеті, рухани өркениеті турасында сөз қозғады. Сондай-ақ Қ.Жұбанов атындағы университеттің оқытушылары, студенттері, №9 орта мектеп-гимназиясының ұстаздары мен оқушылары қатысты.