28 қаңтарда Ақтөбе облыстық Кеңес Одағының батыры Ә.Молдағұлова мемориалды музейінің ұйымдастыруымен Әдебиет зерттеуші ғалым, қоғам қайраткері, реформатор Ахмет Байтұрсынұлының 150 жылдығына орай өткен «Ұлт ұстазының тағылымы»-А.Байтұрсынов атындағы Қостанай мемлекеттік университетінің және Алматы қаласының А.Байтұрсыновтың музей-үйі қатысуымен онлайн шара өтті.
Мақсаты: А.Байтұрсыновтың 150 жылдығын мерекелеу. А.Байтұрсынов атындағы Қостанай мемлекеттік университетінің және Алматы қаласының А.Байтұрсыновтың музей-үйінің экскурсиясымен таныстыру. Педагог-ұстаздың құнды мұраларын дәріптеп, жас ұрпақты ұлттық рухта тәрбиелеу.
Шара барысында А.Байтұрсынұлы музей-үйінің директоры, әл-Фараби атындағы ҚазҰУ-дың доценті, ахметтанушы Райхан Имаханбет Сахыбекқызының 28 жыл уақыт бойы музейдің шырақшысы болып, көркеюіне қосқан үлесі, Алматыдағы музей-үйі туралы түсірілген бейнеэкскурсиясы музей оқырмандарына көрсетілді. Қазақстан Республикасы Қостанай облысы әкімдігі мәдениет басқармасы және Ақтөбе облысының мәдениет, архивтер және құжаттама басқармасы мемлекеттік мекемесінің облыстық мемориалды музейлері арасында өзара ынтымақтастық туралы меморандум негізінде әрі А.Байтұрсыновтың туған жерінде Қостанай қаласындағы А.Байтұрсынов атындағы Қостанай өңірлік университетінің музейіне жүргізген экскурсияны музей меңгерушісі Жақып Қалқаман Хасенұлы жүргізді.
