20 қаңтарда ZOOM форматында «Батыр қалалар» халықаралық жобасы аясында 14 қаңтар Кеңес Одағының Батыры Ә.Молдағұлованың қаза тапқан күніне орай еске алу және 29 қаңтар Новосокольники ауданының фашистік басқыншылардан азат етілген күніне арналған «Актобе - Новосокольники» атты телемост өтті.
Шара мақсаты: Ұлы Отан соғысының тарихын зерттеу аясында елдер арасындағы мәдени ынтымақтастық байланысын күшейту. Музей саласында тәжірибе алмасу.
Ә.Молдағұлованың облыстық мемориалды музейі Ресей Федерациясының Псков облысы Новосокольники қаласының аудандық өлкетану музейімен байланысқа шықты. Өлкетану музейінің директоры Маркова Елена Васильевна. Онлайн кездесуге шақырылған қонақтар: Новосокольники ауданы басшысының орынбасары - Галина Николаевна Куркова, аудан ардагері - Зоя Константиновна Булова, жастар қанатының жетекшісі - Любовь Ивановна Никифорова, "Поиск"іздестіру жасағы командирінің орынбасары Андрей Геннадьевич Нисаев.
Іс-шараға қатысушы қонақтар Қазақстан Республикасымен көпжылдық мәдени байланысты, батырдың жақындап келе жатқан 100 жылдығын мерекелеу (2025 жыл) және ауданға Партизан даңқы өлкесінің мәртебесін беру мәселелерін талқылап жоспарлады.
Тікелей эфир барысында "Менің қалам Новосокольники" презентациясы көрсетілді.
Шара соңында Е.Маркова мұражай залдарында видео-экскурсия өткізді. Экскурсияда теміржол торабының тарихы, Ұлы Отан соғысы және Новосокольники түбі, Насва станциясы және Казачиха ауылы, танымал адамдар, өлкенің өмірі мен дәстүрі көрсетілді.
ZOOM конференциясына: Перевезенцев Александр Леонидович – тарих ғылымдарының кандидаты, Ақтөбе өңірлік университеті тарих факультеті тарих және дінтану кафедрасының доценті, Тупенова Багдаш Абдижамиевна - "Әлия" облыстық патриоттық тәрбие орталығының директоры; "Қазақстандық салалық мәдениет, спорт, туризм және ақпарат қызметкерлерінің кәсіптік одағы" ҚБ Ақтөбе облыстық филиалы; облыстық планетарий қатысты.
