18 мамыр Халықаралық Музейлер және Мәдениет және өнер қызметкерлері күндеріне орай «Музейлер шеруі - 2020» - мерекелік акциясы аясында музейде онлаин-экскурсия және «Соғыс жаңғырығы» Ұлы Отан соғысына қатысты артефактардан көрме ұйымдастырылды. Музей қызметкерлері «Жеңіс әндері» шеруінен караокемен әндер шырқады.
9 мамыр Ұлы Жеңіс күні қарсаңында «Бір туынды тарихы», «Наша Победы», «Батыр атағына ұсынылған майдангерлер» айдарымен телеарналардан көрсетілді. Түсірілген хабар – сюжеттер жүктелініп Әлия музейінің инстапарқашаларына салынды.
9 мамыр күні Алматы облысы Есік тарихи-өлкетану музейімен «Әлияның ерлігі – елге мұра» онлайн-сұхбат ұйымдастырылды. Тікелей эфирде өткізілген онлайн – сұхбатқа музей директоры Е.Қалтаева қатысты. Эфир барысында Алматы облысының тұрғындары, Есік тарих-өлкетану музейі парақшасының оқырмандары сұрақтар қойып, пікір алысты.
8 мамыр күні Ақтөбе гуманитарлық колледжінің студенттерімен бірлесе «Ер елінің қорғаны» атты патриоттық бейне тарихи - танымдық сағат өткізілді. Гуманитарлық сағат аясында гуманитарлық колледжінің студенттері соғыс тақырыбына арнайы дайындаған тақырыптық көрністері мен өлең-жырларын арнады.
7 мамыр күні Н.Байғанин атындағы облыстық балалар кітапханасымен бірлесе «Ұрпаққа үлгі ұлы ерлік» тағзым сағаты, онлайн-сұхбат ұйымдастырылды. Онлайн - сұхбатқа музей қызметкері А.Тұралиева қатысып, Ақтөбе облысының соғыс жылдарындағы тұрмыс тіршілігі туралы тарихи деректер келтіріп және ақтөбелік батырлардың мерейтойларына қатысты шаралармен бөлісті.
6 мамыр күні музейде Әлия Молдағұлованың нағашы сіңілсі Хабиева Ария Бисембайқызымен онлайн кездесу - сұхбат өткізілді. Ария Бисембайқызы әкесі Хабиев Бисембайдан естіген Әлия туралы тың деректермен бөлісіп, әкесі мен батыр қызға қатысты тарихи деректі фотосуреттермен таныстырды.
5 мамыр күні Кеңес Одағының Батыры Қожабай Жазықовтың туғанына 100 жыл мерейтойына арналған «Ерліктің мәңгілік алауы» Батырдың ұрпағы Темірғали Жазықовпен кездесу-сұхбат жүргізілді. Батырдың ұрпағы Темірғали Жазықов әкесінің өмірі мен ерлігі туралы сыр шертті.
© 2020-2025 ГУ "Актюбинский мемориальный музей Героя Советского Союза Алии Молдагуловой". Все права защищены.
