Бүгін Ә.Молдағұлованың облыстық мемориалды музейінің ұйымдастыруымен 15 ақпан Ауған соғысының аяқталған күніне орай «Ауғанстан: тарихтан тағылым алатын сабақ» атты ауған жауынгерлерімен тақырыптық кездесу-кеші өтті.
Іс-шараға ҚР ҚМ «Әскери-техникалық мектебі» РМҚК Ақтөбе филиалы; Қ.Жұбанов атындағы Ақтөбе Өнірлік Университетінің студенттері қатысты.
Шара барысында тақырыптық фильмдер, слайдтар көрсету, іс-шара қонақтарының сөз сөйлеуі, құттықтау нөмірлерімен «ӘТМ» РМҚК Ақтөбе филиалының әскерге шақырылушылары өнер көрсетіп, іс-шара соңында ауған ардагерлері жастардың сұрақтарына жауап берді.